ஆம்புலன்ஸ் உருவானது எப்படி?

-


ஒரு வாகனம் சாலையில் நம்மை கடந்து செல்லும் போது, யாராக இருந்தாலும் வழி விடுவார்கள். சிலர் கடவுளை வணங்குவார்கள்.

சிலர் பதட்டத்துடன் என்னவென்று பார்ப்பார்கள்.. அப்படிப்பட்ட வாகனம்  ஆம்புலன்ஸ்.  சரி நோயாளிகளை அவசரமாக அழைத்த செல்ல உதவும் இந்த ஆம்புலன்ஸ் உருவான கதையை இப்போது பார்ப்போம்.  

ஆம்புலன்ஸ் உருவானது காரணமே, போர்கள் தான்.. போரில் அடிப்பட்ட வீரர்களை மருத்துவமனை அல்லது முகாம்களுக்கு தூக்கி செல்ல, முதலில்

ஸ்டெக்சர் வடிவில் இரண்டு கம்புகளில் துணியை கட்டி நடுவில் அடிபட்டவரை படுக்க வைத்து தூக்கிச் சென்றனர். முகாமுக்கு போர்களத்திற்கும் இடையே, நீண்ட தூரம் இருந்ததால் விரைந்து  செல்ல ஏதுவாக குதிரை வண்டி  பயன்படுத்தப்பட்டது.

சிலுவைப்போர் நடந்த 11ம் நூற்றாண்டில் போர் வீரர்களைக் காப்பாற்ற குதிரை வண்டிகளை இங்கிலாந்தில் பயன்படுத்தினார்கள். குதிரை வண்டி பின்பு மோட்டார் வாகன வண்டி   என பல பரிமாணங்கள் கடந்து இன்றைய நவீன ஆம்புலன்ஸ் வந்தது. தற்போதைய  ஆம்புலன்ஸ் நவீன நடமாடும் மருத்துவமனையாக உள்ளது. 


1487ம் ஆண்டில் ஸ்பெயின் Malaga முற்றுகை காரணமாக ஏற்பட்ட Granada போரில்  ராணுவத்திற்காகப் போர்க்களத்தில் முதல்முறையாக ஆம்புலன்ஸ் சேவைக்காக தனி குழு அறிமுகப்படுத்தப்பட்டது. ஆனால் ஆம்புலன்ஸ் சேவை பொதுமக்கள் பயன்பாட்டிற்கு வந்தது என்னமோ 19வது நூற்றாண்டில்தான். லண்டனில் காலரா பரவி பலர் அவதிக்கு உள்ளான போது, 1832ல் பாதிப்பு உள்ளான நோயாளிகளை மருத்துவமனைக்கு அழைத்து வர, ஆம்புலன்ஸ் வாகனம் பயன்படுத்தப்பட்டது. அமெரிக்காவில் 1861 முதல் 1865 வரை நடந்த உள்நாட்டுப்போரில்,

ராணுவ மருத்துவர்களான

Joseph Barnes மற்றும் Jonathan Letterman ஆகிய இருவரும்,

முதலுதவி சிகிச்சை உள்ளிட்ட உபகரணங்கள் அடங்கிய நான்கு சக்கரங்கள் கொண்ட  வண்டியாக ஆம்புலன்ஸை வடிவமைத்தனர். இந்த வாகனங்களை ஆம்புலன்ஸ் வேகன் என்று அழைத்தார்கள். 


ஜெர்மனியில் 1902 ஆம் ஆண்டில், ரயில் விபத்துக்களில் சிக்கியவர்களை உடனடியாக மருத்துவமனைக்கு கொண்டு செல்ல, ஆம்புலன்ஸ் ரயில் அறிமுகப்படுத்தப்பட்டது.

இரண்டாம் உலகப்போர் காலகட்டத்தில்  அமெரிக்கா ஹெலிகாப்டர் ஆம்புலன்ஸை பயன்பாட்டுக்கு கொண்டு வந்தது. இப்படி பல்வேறு இடங்களில்  ஆம்புலன்ஸ்  பல பரிமாணங்களை அடைந்தது. 


இந்தியாவில் முதல் ஆம்புலன்ஸ் சேவை

1914ல் மும்பையில்  அறிமுகப்படுத்தப்பட்டது.

இந்தியாவில்  108 ஆம்புலன்ஸ் சேவை அறிமுகப்படுத்தப்படும் வரை கட்டண ஆம்புலன்ஸ் சேவையே இருந்தது. 108 ஆம்புலன்ஸ் சேவையானது 2005‌ ஆம் ஆண்டு ஆகஸ்ட் 15 தேதி ஒருங்கிணைந்த ஆந்திராவின் தலைநகராக இருந்த ஹைதராபாத்தில் தொடங்கப்பட்டு பின்னர் நாடு முழுவதும் விரிவுப்படுத்தப்பட்டது.

அது ஏன் 108 என்ற நம்பரை தேர்வு செய்தார்கள்.

ஜனவரி 8 அன்று உலக ஆம்புலன்ஸ் தினமாகும்.  ஜனவரி 08 என்பதன் அடையாளமாகவே, 1 08 என்ற எண்ணை வைத்துள்ளார்கள். 


கொரோனா தொற்று காரணமாக ஜம்மு-காஷ்மீர் பள்ளத்தாக்கிலுள்ள தால் ஏரியில் தனக்கு சொந்தமான படகு வீட்டை

தாரிக் அகமது பட்லூ என்பவர் கடந்த டிசம்பரில்

சுகாதார வசதிகளுடன் கூடிய  படகு ஆம்புலன்ஸாக

மாற்றியுள்ளார் . 

மலைப்பகுதியான

உத்தரகாண்ட் மாநிலத்தில், ஹெலிகாப்டர், விமான ஆம்புலன்ஸ்கள் சோதனையில் உள்ளது. 


மனித உயிரைக் காக்க  அவசரமான நேரத்தில் அவசியமானது ஆம்புலன்ஸ்.





Comments

Post a Comment

Popular posts from this blog

கச்சத்தீவு

-
 தமிழக அரசியல் காலத்தில் அரை நூற்றாண்டாக உச்சரிக்கும் பெயர் கச்சத்தீவு. கச்சத்தீவு மீட்பு தேர்தல் நேரத்தில் மீனவர்களின் ஓட்டை பெற அரசியல் கட்சிகள் பயன்படுத்தும் drum card.  அடிக்கடி ஒரு செய்தி செய்தித்தாள்களில் வந்துகொண்டிருக்கும் கச்சத்தீவு அருகில் மீன்பிடித்து கொண்டு இருந்த தமிழக மீனவர்கள் இலங்கை கடற்படையினரால் கைது செய்யப்பட்டனர் அல்லது சுட்டுக்கொல்லப்பட்டனர் என்று,  இதற்கு காரணம் கச்சத்தீவு தாரை வார்க்கப்பட்டது தான். கச்சத்தீவு மீட்கப்பட்டால் தான் இதற்கு தீர்வு என்று தமிழக அரசியல்வாதி அனைவரும் ஒரே குரலில் கூறுவார்கள்.   அப்படியானால் கச்சத்தீவு இந்தியாவிற்கு சொந்தமான பகுதியா? இல்லை, இலங்கைக்கு சொந்தமான பகுதியா?  என்று கேள்வி எழும். இரண்டு தரப்பும் கச்சத்தீவு தங்களுக்கு சொந்தமானது என்று கூறி வருகிறது. உண்மையை அறிந்து கொள்ள வேண்டுமானால் கொஞ்சம் பின்னோக்கி செல்வோம்.  கச்சத்தீவின் பரப்பளவு 285 ஏக்கர் 20 சென்ட் ஆகும். கச்சத் தீவு தமிழகத்தின் ராமேஸ்வரத்தில் இருந்து சுமார் 18 கிலோ மீட்டர் தூரத்திலும், இலங்கையில் இருந்து 28 கிலோ மீட்டர் தூரத்திலும் பாக் ஜலச...
Read more

மாயாவதி ஆட்சிக்கு வந்த கதை

-
 தமிழகத்தில் திரைத்துறை மூலம் கிடைத்த புகழால் ஆட்சிக்கு வந்த பெண்  ஜெயலலிதா. ஆனால் திரைப்படமே பார்க்க மாட்டேன் என்று கூறி ஆட்சிக்கு வந்த ஒரு பெண் உள்ளார். அந்த பெண்  Mayawati. மாயாவதியையும் பகுஜன் சமாஜ் கட்சியையும் பிரித்து பார்க்க முடியாது.  பஞ்சாப் மாநிலம் Rupnagar மாவட்டம் Khawaspur என்ற கிராமத்தில் 1934ஆம் ஆண்டு பிறந்தவர் Kanshi Ram. சாதிய பகுபாடுகளுக்கு எதிராக போராடிய Kanshi Ram, backward and minority communities employees federation என்ற அமைப்பை 1978 ஆம் ஆண்டு ஏற்படுத்தி இட ஒதுக்கீடு, தீண்டாமை ஒழிப்பு உள்ளிட்டவற்றை வலியுறுத்தி தொடர்ந்து செயல்பட்டார்.  தேர்தல் அரசியலில் இருந்து  ஈடுபடாமல், சமூக தளங்களில் செயல்பட்டுவந்த Kanshi Ram 1984 ஆம் ஆண்டு ஏப்ரல் மாதம் 14 பகுஜன் சமாஜ் என்ற கட்சியை தொடங்கி தேர்தல் களத்திற்கு வந்தார். இக்கட்சியின் தேர்தல் சின்னம் யானை.  பகுஜன் என்றால் பட்டியல் இனத்தவர், பழங்குடிகள், இதர பிற்படுத்தப்பட்ட வகுப்பினர், மதச் சிறுபான்மையினர்  உள்ளிட்டோர்களை குறிக்கும் என்று  கூறினார் Kanshi Ram. தொடர் போராட்டம் மற்றும் செயல...
Read more

தமிழகத்தில் சாராய வரலாறு

-
 ஒரு பொருள் உங்கள் வீட்டிற்கும் உடலுக்கும் கேடு என்றால் அந்த பொருளை நீங்கள் வாங்குவீர்களா? ஆனால் தமிழ்நாட்டில், அப்படி ஒரு கேடான பொருளைச் சொல்லியும் கூட, தினந்தோறும் கோடிக்கணக்கில் வருமானம் வரும் அளவு விற்கிறது என்றால், அந்தப் பொருள் மது!  மது நாட்டுக்கும் வீட்டுக்கும் கேடு என்ற வாசகத்துடன், படு ஜோராக தமிழக அரசால் மது விற்கப்படுகிறது.  சுதந்திரப் போராட்டக் காலத்திலேயே, மது விற்பனைக்கு எதிராக பல போராட்டங்கள் நடந்தன. காந்தி, ராஜாஜி, பெரியார் உள்ளிட்ட தலைவர்களிடம் பல்வேறு கருத்து வேறுபாடுகள் உண்டு.. ஆனால் மது விலக்கு கொள்கையில் அனைவரும் ஒத்த கருத்துடனே இருந்தார்கள்.  இதன் விளைவாக, சுதந்திரத்திற்கு முன்பாக 1937ஆம் ஆண்டு நடைபெற்ற மாகாண தேர்தலில், தங்கள் கட்சி வெற்றி பெற்ற மாகாணங்களில், மூன்றாண்டுகளில் பூரண மதுவிலக்கைக் கொண்டுவர காங்கிரஸ் முடிவு செய்தது. இதை அப்போது கடுமையாக அமல்படுத்திய மாநிலம் தமிழ்நாடு. அதாவது அன்றைய madras presidency. உபயம் அன்றைய மாகாண முதலமைச்சராக இருந்த ராஜாஜி.  பின்னர் 2ஆம் உலக போர் சமயத்தில்  மாகாண முதலமைச்சர்கள் பதவி விலகியதை ...
Read more